18
Wed, Oct
78 New Articles

Top Stories

Pabawi| 2017 October 17| Chin Funtomnak Bu (Kalay-Kabaw) nih tuahmi Chin Tho Puai a zan hnihnak ah khual lian an sawm mi Colonel Solomon nih kan Chin miphun ral kan chiatter mi le tha kan thutnak a ruang, rian tuan huam lo hna in kan umnak hi ‘Kei cu ka phiangther ee’ timi pawl ruangah a si tiah a chim.

Kalay-TCP| 2017 October 17| Kalay, Ka-ci-win (bus terminal) ngunkhuai pek kong he pehtlai in sipin kuttang ummi thanchonnak riantuanmi hna le Motor ngeitu, Gate lutlai le nawlngeitu hna ceihmaitinak an ngei. Ka-ci-win luhnak ngunkhuai tender cu ks. sing 20 in an lak caah sipin nih Ka-ci-win chung lam remhnak le luti luannak ser le remh ding in hnatlaknak an ngei.

Salai Elvis| 2017 October 17| November 7 ah tuah dingmi Thantlang Youth Association (TYA) cup caah pakhatnak laksawng ks. sing 5 le Cup pin ah medal pek dingin October 15 ah hnatlaknak an ngei tiah TYA President sin in kan theih.

TCP-Kalay| 2017 October 15| Khampat peng ah meiceu hmangmi dihlak ah 7,508 an si. Hi chung ah Electricity hmangmi 823, zinam hmangmi 166, phazawngdang hmangmi 665, Battery hmangmi 1,656, generator (Private) engine seh hmangmi 1,014, ti tha in sermi sehhmangmi 1,552, solar tha a hmangmi 1,569 le a dangdang thilri hmanghmi 63 an si.

TCP-Kalay| 2017 October 10| Kalaymyo (Myomah bazaar) remhthan dingin bazaar hmailei kap 0.676 ekah cu ramthen cozah nih rampumpi cozah sin an hal hnu ah Kalaymyo sipin committee ah an pek hna lai tiah kan theih. 

The Chinland Post| 2017 October 10| Atu kum January thla in August thla dong tiang ah ramdang mi khualtlawng mi (tourists) sing 20 ringlo (2.27 millions) an rak phan tiah Vice President Pu Henry Van Thio nih a chim. 

TCP-Hakha| 2017 October 16| Somalia ram, Mogadishu khualipi, October 14 ah a fak bikmi motor bomb puahnak ruang ah minung 276 an thi i minung 300 tluk hliamhma an tuar. Hihi Somalia ram ah a fak bikmi bomb puahnak le a tam bik thihloh tonnak a si tiah Somalia ram thawngthanhnak lei vuanci Abdirahman O. Osman nih twitter ah a tial.

TCP-Hakha| 2017 September 30| American ram ah man fak ngaingaimi vanlawng pawl phunglut in khualtlawnnak caah an hmanmi kong he pehtlai in Ngandamnak Minister Tom Price nih a rian a chuahtak riangmang. 

TCP-Hakha| 2017 September 30| Syria nitlak chaklei ralhrang ukmi Idlib ramkulh i khua pakhat cung ah vanlawng in i kahnak a chuah ruang ah ngakchia tel in minung 10 leng an thi tiah theih a si.

Salai Ceu Bik Thawng; 2017 October 3| Hakha Khuanu Khuapa kongkau ah cozah/parliament nih a herh lo ah a kut a zao caah ceihcum a tong ngai. Upa lungfim ngai ah ruahmi pipi nih “mipi nih thimmi cozah kan ngei cang caah hihhna hi zeidah an herhnak a um ti?” ti tiangin bia an chuah caah ramkhel umtuning a huap in hun cuan ta usih. 

(a) Khuanu Khuapa cu mipi buu (Civil society) an si

Hi committee cu cozah buu an si lo caah cozah nih zulhphung (procedure) le thimnak hna ah tlaaktlak le chaakrengh a herh lo. Ram upadi lonh in rian an tuan sual a si sual tu ah phung ningin a zizut awk si hnga. 

(b) Cozah (Government) le Ukhruainak (Governance) timi kan thleidan thiam a hau

 

Mirang biafang ah cozah timi ‘government’ le ukhruainak ‘governance’ timi hi aa pehtlaimi a si nain aa khatmi a si lo. Demokaresi phung a hmang lomi ramhram uknak ram ahhin cozah (government) nih ukhruainak (governance) dihlak a tlaih dih (asiloah) tlaih dih a duh. Asinain, demokaresi cozah (abikin liberal/neoliberal) ruahnak ahcun cozah pakhat lawng nih rampi ukhruainak/khuakhannak (governance) zeizong vialte tlaihhiip dih timi kha a pom lo. Phundang in chim ahcun cozah nihcun tawlreltu dirhmun ah a dir i mipi buu (CSO), sipuazi lei buu, dir-awnhtu phu (opposition party) pawl le media tbk… khukhantti le riantuantii kha a duh. A si khawh lebang ahcun cozah hi zeikip ah ithlaak loin, mipi nih anmah tein an tuah khawhmi kha tuah dih hna seh, tiah lam a sial. Daw Aung San Suu Kyi zong nih “Asikhawh ahcun mipi nih cozah a um le um lo hmanh a ruah awk an hngalh lo ding kha a tha bik” a rak ti bal ve, cozah tlaitu a rak si hlan ah. 

(c) Nihinni kan ram kan i ukning phung ifian a hau

2008 Phunghrampi ningin kan Myanmar ram uknak (administrative units) hi dot 6 in a um— khuate, khuate-komh/sang, peng, pengkomh, ramthen le ramkulhpi/rampumpi, tiin*. Cu vialte lakah cun rampumpi huap, ramtthen huap le khuate-komh huap timi dot 3 lawng hi mipi thimnak in tuah a si. A sining te ahcun a dot dihlak in mipi thimnak in uk tuah ding khi a si. Federal phung hrimhrim nihhin cozah uknak a dotdot (layer) hi a tam khawhchung paoh duhmi a si. Cozah hi atlangpi in dot thum in an chiah) __ rampumpi huap (Union level), ramthen huap (subnational level) le pengtlang huap (local level) tiin. Kannih ram ahcun dot khat le cheu lawng um hih.  Federal a hmang duh lomi Unitary ram pawl zia a si. A hlan lebang ahcun dot khat lawng kan rak ngei khah.

Ka chim duhmi cu demokaresi le federal phung ning tein kan kal seh ti ahcun peng huap (township and district) uknak hi mipi thimnak in a kal awk si__ atucu cozah riantuan pawl le central kut ah chiah a si (kan Phunghrampi cang -288 le schedule-I(10/a) ning ah). A tawinak in chim ahcun ralkap nih a hnarphawhri an tlaih.

A umtuning cu kan cozah hi a lu le a taw ai peh lo. Phundang in chim ahcun a lai (a taai) zawn in ralkap nih a hri an chah i an kut in an peh chom. Chim duhmi cu peng huap uknak hi mipi kut ah a um lo.

Cu zawn te ah Pu Chan Fiang bantuk laitlai mifel hna Hakha GAD tlaitu a simi hi kan van a ttha kan ti. Asinain amah Pu Chan Fiang lila zong nih a dirhmun a fawilonak voi tampi ca a tial lengmang bang hika zawn in tii nawi a hung luangmi hi cozah riantuan pakhat nih phih khawh thlu dingmi thil a si lo.

Cucaah pengtlang cio ahhin atu bantuk khuanu khuapa buu le mino buu tibantuk tal hi fek tein dir cio kho hna sehlaw hika zawn in demokaresi le federal hri a catmi le tii a zutmi hi rak peh cio in rak phitkhar cio hna seh ti kha saduhthahmi cu a si, mipi zawn ruah ah (shadow/parallel pillar ti khawh a si). 

Biatlangkawm

 

Cucu zapi nawi in kan nawi a dil naa, a sat naa in um kan i tim. Uknak phung hi fawitehlek thil a si lo. Cunglei ah mipi thimmi cozah le MP an kai cang le pengtlang ah zeibu e, khabu e, tiah chuak len ti hlah uh tiin olsam tuk in ruah awk si hnga lo. Uknak kongah kan chimrel ve seh kan ti ahcun nihin kan cozah, kan phunghrampi le miramdang phunglam cio hna hi zoh le epchunh a hau. Abikin kap ttanh ngeih tuk tehna, cun, party le pumpak pakhatkhat uar tuk ruangah demokaresi le federal phung zong hmuh khawh ti lo phun dedeng i um hna hi aho cio kan si ah kan tthinh a tha rua ka ti.

(Fianternak: *Kan Myanmar ram uknak dot 6 timi cu khuate(village), khuate-komh le sang (village-tracts and wards), peng(townships), pengkomh (districts), ramthen (states/regions) le ramkulh/rampumpi(the Republic/ union) hna hi an si. Hlan lio i circle rak timi ‘Zahnaktlang’ ‘Mi-e peng’ tibantuk kha cozah uknak dot ah aa tello. Cun peng(township) le pengkulh (district) timi a pa hnih in kan ngeihmi hi a phung si lomi, a herh lomi, a si. Pakhatkhat chingchang hi hlawt/hrawh awk a si) ---000---

 

TCP Hakha: 2017 September| Atulio Online/Internet le Facebook chung ah lar ngaimi Application pawl an hung tam ngaingai. Hi Apps. pawl nih an nun khawhnak hnga ding caah host tuahnak 'website' an hun herh. Cucu 'website' pawl hmang cun, a bik in Facebook ads., le post ah chiah tik ah khulrang in hmuh awk ah an hung lang.

TCP-Hakha| 2017 September 6| Internet cung ah rian he aa pehtlaimi website thonghra ringlo a um. Cu vialte chung ah caanhmaante (update) in rian auhnak kongkau a taar lengmangtu vawleicung a tha bik le hman a fawi bikmi website phun 10 cu a tanglei hna hi an si. 

1. indeed.com

Company website pawl nih an auhmi rian, thanhca, mibu le a dang online cung taarmi rian auhnak hmunhma a thongleng sin in rian nuaikhat tluk a taartu website a si. Rian kawlnak ah mah duhmi rian le lahkhah, rian a phunphun fawite in kawlnak website a si. 

Salai Tluangkipthang: 2017 August 24|England pumpululh phu (football team) ah captain simi Wayne Rooney nih vawleipi pumpululh chuih celhnak in ka din cang lai tiah a thanh.

August 23, cawn nithumni ah England ram ah kawlsut tammi lak ah a telmi le captain a si liomi Wayne Rooney nih England aiawh chuihnak in ka din cang lai tiah a chim. 

TCP-Hakha| 2017 June 12| French Open, pa tennis tuk pakhat zuamnak ah final cu minthang Rafael Nadal nih Switzerland tennis tuk thiam Stan Wawrinka cu a tei i French Open Champion laksawng avoi 10nak a co a si cang. 

TCP-Hakha| 2017 June 4| Champion League final ah goal 2 a suttu Christiano Ronaldo cu pumpululh chuih zuamnak in goal 600 lutlak in a sut khawh cang tiah theih a si. June 3 zan Real Madrid le Juventus an chuih ah goal 2 a sutmi in goal 600 a tlin hi a si.

Salai KB Thawng| Chin Digest Vol. 2/No. 2; 2016 April| “kan tluuknak hmun in thawh kan i zalh lo ahcun hlawhtlinnak he kan i hlat tuk hnga...”

Hrambiklian Ṭialhup (Delhi)|Chin Digest Vol. 2/No.2; 2016 April|“Chin miphun kan thazaang cu Khrihfabu a si caah, uktu nih dikfel loin rian an ṭuan tik ah Khrihfabu hruaitu hna aw an chuah ngam lo ahcun, kan mipi aiawh in a dirtu ding dang kan ngei ti lo”

Salai NS Aung| Chin Digest Vol. 2/No. 2; April 2016| Zaukphung hruainak tang ah kum nga a kal ve cangmi kan ram ah zalonnak zeimawzat a um cang nain ka zalong ti aa hngal lo i thinlung ah ṭemṭawn peng rihmi kan um len bantuk in khatlei ah zalonnak hman thiam lo zong um len a si. Cun kum 60 tluk ukmi kan thinlung nih hruaimi dirhmun kan phan kho lo i hruaitu zong hruai thiam lonak a tam. Zalonnak cu kan duh nain cu zalonnak cu ṭuanvo laknak he ṭhen khawh a si lo zia aa fiang lo i kan zalonnak nih midang hnorsuan loin upadi chung ah zalong tein nundan a thiam lomi kan tam rih.

 
 

Weather

Yangon
Myanmar
26 °C Thunderstorms
Mandalay
Myanmar
27 °C Partly Cloudy (day)